Jólakveðja.

Kæru samferðakonur.
Bestu óskir um gleðileg jól og gæfuríkt komandi ár.

Hlökkum til að ferðast með ykkur á næsta ári.

Nú er ylrík indæl sól
engin til að skína.
Í stað þess góð og guðleg jól
gleðji sálu þína.

Vegna fjölda áskorana ætlum við að bjóða uppá

fjórðu aðventuferðina í Mývatssveitina helgina 26.-27. nóvember.

Allt eins og venjulega; Dimmuborgir og heilsað uppá jólasveinana, jólamarkaður í jarðböðunum og hið árlega jarðbað,

jólahlaðborð og gisting á hótel Gíg.

Eitthvað spennandi gert á sunnudeginum áður en haldið verður heim.

Þátttaka tilkynnist fyrir 2. nóvember til:   Sveinu 462 5026

Greiða þarf staðfestingargjald  í síðasta lagi 4. nóvember

inn á reikning 0162-26-1405 kt. 700982-1149

Stjórnin.

Suður England 29.-3.okt. 2011

Skemmtileg og fræðandi ferð. Ein af vinsælustu ferðum okkar. Sjáið borgir og þorp í hjarta Englands. Skoðunarferðir á hverjum degi. Allar ferðir og hálft fæði innifalið.

29.09. Flogið til London klukkan 07:40 og lent þar klukkan 11:45. Ekið þaðan til Windsor, sem er einn bústaða bretadrottningar og mun vera stærsti kastali í heimi sem enn er búið í. Leiðsögn um Windsorkastala og frjáls tími í Windsor til að fá sér hressingu og skoða bæinn. Einnig er tilvalið að rölta yfir Thamesá til skólabæjarins Eaton, sem er á árbakkanum á móti Windsor. Síðan er haldið til Hotel Jurys Inn í Swindon, þar sem gist verður á næstu 4 nætur. Kvöldverður á hóteli.

30.09. Skoðunarferð til háskólaborgarinnar frægu, Oxford. Þar verður m.a. heimsóttur einn af hinum frægu stúdentagörðum (college) þeirra, gengið um miðbæinn og einnig verður frjáls tími þar. Síðar um daginn verður Blenheim Palace, höll hertogans af Marlborough og fæðingarstaður Winstons Churchills, heimsótt en staðurinn er ekki sízt frægur fyrir garðana sína. Skoðaðar verða þær vistarverur hallarinnar, sem eru opnar almenningi og einnig sýning sem helguð er kappanum Churchill. Kvöldverður á hóteli.

01.10. Ekið um litrík þorp og bæi í Cotswolds, sem oft er kallað "hjarta Englands". Þar gefum við okkur tíma til að gera stuttan stanz í nokkrum bæjum og fáum okkur eftirmiðdagste í einum þeirra. Kvöldverður á hóteli.

02.10. Heilsdagsferð til Bath og Wells. Farið verður í skoðunarferð um Bath og rómversku böðin þar heimsótt og safnið sem þeim tengist. Þaðan er haldið til Wells, minnstu borgar í Englandi og dómkirkjan þar skoðuð. Kvöldverður á hóteli.

03.10. Ekið fyrir hádegi til Salisbury þar sem gefur m.a. að líta dómkirkju, sem er talin eins sú fegursta í Englandi og skartar hæsta kirkjuturni landsins. Þar fáum við einnig frjálsan tíma til að líta á fallega miðbæinn og fá okkur hressingu áður en haldið er til Stonhenge og litið á þær merku fornminjar. Þaðan er svo ekið til Heathrow-flugvallar þaðan sem flogið er heim klukkan 21:10.

Fararstjóri: Emil Örn Kristjánsson 

Ferðatilhögun er eitthvað á þessa leið:

(Fáum nesti á heimleiðinni er við förum Kjöl og þá er gott að hafa brúsa meðferðis)

Haldið austur á bóginn inn í Bárðardal.

Ekið yfir Sprengisand -  nesti borðað á leiðinni, stoppað í Nýjadal ef þar er opið enn til að fá að fara á klósett og snæða nestið.

Áætlaður tími er 6-7 klst.  Sennilega u.þ.b. 350 km.

Gist í hálendismiðstöðinni í Hrauneyjum og þar er kvöldverðarhlaðborð í boði.

Þar er  vínveitingaleyfi.

Ekki er verra að hafa söngbókina með sér - því líklega þurfum við að skemmta okkur sjálfar.

Gamansögur eru líka vel þegnar og alls konar leikir og uppákomur af öllu tagi.

Haldið af stað og ekið vítt og breitt um Suðurland.

Komið við í Skálholti, Þjóðveldisbænum (reyndar ekki opinn) og Stöng

Flúðum, og Sólheimum í Grímsnesi þar sem við snæðum hádegismat og fræðumst um staðinn.

Gist síðan á Hótel Geysi -laugardagskvöldið.

(við ætlum ekki að koma allt of seint í náttstað)

Þar ætlum við í létta göngu um Haukadalsskóg,  sjá margmiðlunarsýningu og fara í heita potta fyrir kvöldmatinn.

Muna því eftir sundfötunum.

Það er boðið upp á nudd (heilnudd, svæðanudd) 5000 kr. sem tekur  1 klst.

Einnig er hægt að fá lithimnulestur 3000 kr. og tekur hann ½ klst.

Kvöldverðurinn verður eitthvað spennandi ásamt göróttum drykkjum.

Haldið af stað norður Kjöl - við kaupum  kaffi á brúsa og samlokur til að hafa með okkur, stoppum í Kerlingarfjöllum og /eða  á Hveravöllum ef þar er enn opið.

Hér getum við reiknað okkur a.m.k. 5 tíma - þetta eru 300 km. frá Geysi.

Það þarf auðvitað ekki að taka það fram að hálendisvegirnir okkar eru ekki greiðfarnir og því verðum við bara að taka því rólega og hafa gaman af því að vera saman - eins og ævinlega.

Kveðjur bestar

Stjórnin

Haldið af stað frá Umferðarmiðstöðinni kl. 10.

Snæddur hádegisverður í Skúlagarði og ekið eins og leið liggur um hinn nýja veg um Hófaskarð og haldið út á Font.

Kvöldverður og gisting að Ytra-Lóni u.þ.b. 10 km frá Þórshöfn.

Heitur pottur er á Ytra-lóni.

Stoppað í Skúlagarði og snæddur aftur hádegisverður í Skúlagarði á sunnudeginum áður en haldið er heim.

Þess má geta, að það er fyrirhuguð list- og menningarvika að Ytra-Lóni 6.-12.júní og verður því væntanlega margt skemmtilegt til sýnis sem útbúið hefur verið þar í listavikunni.

 Nokkur sæti laus, hafið samband.

Verð ferðarinnar er 14.000 kr.

Stjórnin.